Циронки во сос
Состојки
- По желба циронки (солени рипчиња)
- 1/2 л томатело (со оригано и босилек)
- 250 мл црно вино
- 50 мл маслиново масло
- 2 ливчиња ловор
- достааа нане
- по 2,3 млади лукчиња и кромитчиња
- по вкус вегета и бибер
- по потреба вода за заливање
Подготовка
1. Циронките потпечете ги на рингла (ама на отворено, оти мирисот е неповторлив) а потоа ставете ги вода која врие. Нека повријат минута, две, истурете ја водата и така направете неколкупати.
2. Потоа циронките филетирајте ги.
3. На масло ставете го исечканото кромитче и лукче да се пропржи, ставете ги филетите, сосот од домати, виното, зачините, малку вода и сето нека крчка некое време, половина сат, 45 мин. отприлика.
На крајот ви останува да уживате.