Испечати

Потпечен карфиол со мелено месо

Потпечен карфиол со мелено месо

Состојки

  • 350 гр мелено месо
  • 1 мала главица карфиол
  • 1 среден компир
  • 2 парчиња морков
  • 2 лажици сомелени ореви
  • 2 чешниња лук
  • 4 лажици презла
  • 1 главица кромид
  • 2 јајца
  • 150 мл млеко
  • 2 лажици павлака
  • сол.бибер куркума
  • 2 домати
  • 100 гр изрендан кашкавал
  • пола китка магдонос

Подготовка

Во посебен сад обарете го карфиолот и кога е готов ставете го во ладна вода и оставете го на страна. Во тава ставете да се пржи кромидот, потоа додадете го месото и убаво пропржете. Додадете го ренданиот морков, ренданиот компир и продолжете да пржите. Сега додадете го сецканиот магдонос, солта,куркумата биберот, лукчето сецкано, мелените ореви, презлата, се добро промешајте и тргнете го на страна.
Во огноотпорна тава ставете го обарениот карфиол, а врз него истурете го филот со мелено месо. Посипете со фил од двете јајца, млекото и павлаката. Сега посолете со рендан кашкавал и одозгора наредете со сецкан домат. Вака спремната тава ставете да се пече на 220 С додека не поцрвени кашкавалот и доматите да фатат коричка.
Можете да послужите со салата од кисела краставица и зелка.
Добар апетит