Домашна италијанска пица
Состојки
- За тесто
- 3 филџани бело брашно
- 1/2 кесичка сув квасец
- 1/2 филџан млако пиво
- 1 лажичка сол
- 1/2 лажица шеќер
- 1 лажица масло
- За прелив
- 200 мл домашен сос од домати (салца)
- 150 гр црни маслинки
- 50 гр свежа пршута
- 250 гр мешан цврст кашкавал
- 5, 6 гранчиња свежа рукола
- 2, 3 ситни благи домати (или чери домати)
- 1 лажичка сув босилек
- 1 лажица сусам
- 1 лашичка оригано
Подготовка
Се замесува тетстото од брашното, квасецот, малку сол, шеќер и масло со постепено додавање на млакото пиво, за да се добие меко тесто. По потреба може да додадете малку вода доколку не е доволно меко. Убаво измесено тестото се формира во топка и се остава да одстои околу 40 минути.
За тоа време се подготвуваат состојките за прелив. 200 гр од кашкавалот се ренда а 50 гр се сече на тенки листови. Маслинките се сечат дијагонално на тенки лента а семката им се одстранува. Доматите се сечат на мали коцки, а пршутата треба да е исечена на тенки проѕирни ленти.
Тестото се расукува и се става во тава со дијаметар 30, убаво се оформува со рацете и се остава да одстои уште 10 минути. На стасаното тесто се нанесува сосот од домати, убаво се мачка тестото со него, се додава оригано, ренданиот кашкавал и сецканите маслинки. Краевите на тестото се наросуваат со сусам. Вака подготвената пица се става да се пече во загреана рерна околу 20 минути. Испечената пица се вади од рерна и се украсува со пршутата, листовите кашкавал, свежите листови рукола и сецканите свежи домати кои се наросуваат со сув босилек. Се служи топла, во комбинација со суво бело вино. Добар апетит.....