Солени палачинки од пченкарно брашно
Состојки
- 300гр пченкарно брашно
- 500 грама млеко
- 3 јајца
- 1лажиче сол
- малку масло за пржење
Подготовка
Во длабок сад го ставаме брашното солта и го додаваме млекото. Промешуваме со лажица смесата убаво да се соедини. Во друг сад ги кршиме јајцата и ги матиме со рачна маталка убаво да се разредат и ги додаваме во садот со брашното и млекото, убаво мешаме смесата да се соедини. Оставаме смесата да одстои околу 20 мин. Потоа во тавче со малку масло ги пржиме палачинките од двете страни.
Напомена.
Смесата треба да е густа како и обичните палачинки. Доколку е погуста додадете уште малку млеко. Во текот на пржењето ако смесата повторно се згусти (бидејки пченкарното брашно набубрува) додадете уште малку млеко. Палачинките исто така можат да се направат и со вода.