Испечати

Палачинки со шампињони

Палачинки со шампињони

Состојки

  • За палачинките
  • 1 јајце
  • 150 мл млеко
  • 50 гр брашно
  • прстофат сол
  • За фил
  • 500 гр свежи шампињони
  • 1 мала главица кромид
  • 30 гр путер
  • 50 мл бело вино
  • 200 мл павлака за готвење
  • 1/2 лажичка кари
  • 1/2 лажичка мајоран
  • по вкус сол, бибер

Подготовка

Измешајте ги со жица состојките за тестото за палачинки и оставете го да отстои.
Во подлабока тава истопете го путерот на средно силен оган и ставете го ситно исецканиот кромид да се пржи. Кога ќе зажолти додајте ги на тенки плочки исецканите шампињони. Пржете мешајки додека цела течност не испари, а печурките добијат убава златна боја. Додајте го виното, варете неколку минути додека алкохолот да испари и финиот карамелизиран слој од дното на тавата не се стопи во виното. Додајте ја павлаката за готвење, кари зачинот и мајоранот. Посолете, побиберете и оставете да проврие содржината на тавата и малку да се згусти. Дотерајте го вкусот.
Од смесата за палачинки испечете 4 малку подебели палачинки.
Филовајте ги во облик по ваша желба, наредете ги во огноотпорен сад, одозгора ставете неколку коцкички путер и запечете ги на температура од 200Ц 5 минути.