Брзи колачи со кокос
Состојки
- тесто
- 170 грама кокос
- 150 грама шеќер во прав
- 3 јајца
- 20 грама маргарин или путер
- фил
- 100 грама чоколадо за готвење
Подготовка
Прелистувајки го „ Сладок готвач„ во издание на Просветена жена, го најдов и овој рецепт и го испробав. Во длабок сад ги матиме само белките од јајцата, во цврст снег и внимателно се меша шеќерот со кокосовото брашно. Тестото не смее да е премногу меко.
Во дозата е запишано 150 грама кокос ( со можност да се додаде по потреба, јас ставив 170 грама). Плекчето го премачкувате со маргаринот. Од тестото вадите со лажица колачи во вид на јајце, ги оформувате со раце и ставете ги да се печат во загреана рерна на 100 степени околу 15 минути.
Правиме глазура од растопено чоколадо.Секој колач кога ќе истине спуштете го до половина во растопеното чоколадо. Колачите се брзи и лесни за правење, а пред се вкусни. Повелете заблажете се.