Пита хармоника
Состојки
- тесто
- 250 мл млеко
- 100 мл кисела вода
- 150 мл масло
- 2 лажички сол
- пола лажичка шекер
- 40 гр квасец
- 1 јајце
- 800 гр брашно
- фил
- 100 гр сирење
- 1 јајце
- 1 лажичка сол
- 1 лаж брашно
- 100 гр салама
- 100 гр кашкавал
Подготовка
Питава ја видов во еден весник, па еве и дојде редот за проба и многу ми се допадна.
Се замесува тесто од горенаведените состојки и се остава да стаса. Во меѓувреме се миксират во блендер сирењето, јајцето, солта и брашното. Саламата и кашкавалот се рендат или се сецкат на коцки (по ваш избор). Кога тестото ќе стаса се сука кора во вид на правоаголник и се премачкува со смесата од сирење, врз наго се наросуваат саламата и кашкавалот. Се сече кората на квадрати како на сликата. По неколку квадрати се стават еден врз друг и се стават во калап претходно подмачкан со маргарин. Квадратите се стават исправени да стојат. Се полни калапот и се остава да отстои питата, потоа се пече во загреана рерна на 200 с околу 40 минути.