Чоколадни мафини со лешници и мармалад од кајсии
Состојки
- 1 јајце
- 1 ½ шолја со средна големина брашно
- 1 ½ шолја шеќер
- 1 шолја благо млеко
- ½ шолја масло
- 1 кесичка ванилин шеќер
- ½ кесичка прашок за пециво
- 200 грама чоколадо за готвење
- 100 грама сецкани лешници
- 200 грама мармалад од кајсии
Подготовка
1. Во сад ги ставаме јајцето, брашното, шеќерот, млекото, маслото, ванилиниот шеќер и пецивото сето убаво го мешаме со дрвена лажица додека не се добие хомогена смеса.
2. Потоа додаваме 100 грама сецкано чоколадо и сецканите лешници и сето заедно го мешаме.
3. Калапчината за мафини ги премачкуваме со масло или путер и во секое ставаме од смесата.
4. Печиме најпрвин на температура од 200 степени додека да се поруменат, а потоа намалуваме на 150 степени.
5. Откако ке се изладат мафините ги вадиме од калапите и пред да ги служиме ги премачкуваме со мармалад од кајсии, а потоа ги прелеваме со стопено чоколадо.