Македонска погача
Состојки
- 3 јајца
- 200 мл јогурт
- 150 мл масло
- 150 гр сирење
- 250 гр брашно
- 1 прашак за печење (пециво)
Подготовка
Со помош на жица за матење пенасто изматете ги јајцата. Додадете го јогуртот, маслото, брашното измешано со прашакот за печење и по желба половина лажичка сол. Со жицата убаво измешајте ја смесата и на крај додадете го дробеното сирење и пак промашајте. Ќе добиете смеса погуста од онаа за палачинки.
Смесата излијте ја во подмачкана и набрашнета тава бр. 30, посипете ја со сусам и печете на 180-200 степени околу половина час.
Се служи топла со кисело млеко и сирење.
Јас уживав, уживајте и вие!