Грчка мусака
Состојки
- 600 гр. мелено месо
- 2 главички кромид
- 1 чешне лук
- 300 до 400 гр. доматен сос
- 1 лажица презла
- 3 јајца
- 500 гр. компири
- 3 модри патлиџани
- 3 тиквички
- 75 гр. брашно
- 750 мл. млеко
- маслиново масло
Подготовка
Лукот и кромидот исечкајте ги ситно и динстајте со две лажици маслиново масло. Додајте ги доматите и презлата. Оваа смеса и едно јајце додајте ја на меленото месо и добро измешајте. Додајте сол, бел пипер и оригано.
Компирите, тиквичките и модриот патлиџан насечкајте ги на тенки парчиња, испржете ги на масло и посолете. За оние кои не практикуваат мрсна храна, им препорачувам да ги пропржат на грил тава или на тостер.
Загрејте малку масло, во него додајте го брашното, млекото и малку проварете и зачинете. Додајте и 2 јајца предходно изматени. Слободно можете да додадете и 100 гр.рендан пармезан.
Мусаката редете ја на следниот начин, прво наредете го компирот, одозгора ставете една третина од бешамел сосот, потоа распоредете го месото, наредете го модриот патлиџан и тиквичките. На крај прелијте со остатокот од сосот и печете околу 45 минути на 200 степени.