Конго кекс
Состојки
- За кекс
- 2 жолчки
- 150 гр шеќер
- 100 мл масло
- 150 мл млеко
- 150 гр брашно
- 2 лаж какао
- 1 прашок за печење (пециво)
- За фил
- 2 белки
- 4-5 јаболка
- 150 гр шеќер
- 1 лажиче цимет
- За прелив
- 3 лаж шеќер
- 3 лаж млеко
- 3 лаж какао
- 3 лаж маргарин (доаѓа некаде 100 гр)
Подготовка
Изматете ги жолчките со шеќерот, па постепено додавајте го млекото и маслото. На крај, додадете го брашното измешано со пецивото и какаото. Смесата истурете ја во намастен калап (26-28 бр.) и печете на загреана рерна (160Ц) околу 5-10 мин.
Во меѓувреме, изрендајте ги јаболката. Белките изматете ги со шеќерот во цврст шам и во нив додадете ги ренданите јаболка и циметот па со лажица убаво промешајте ги.
Оваа смеса се премачкува на полупечениот кекс и се враќа во рерна да се допечи. Готово е кога ке фати кора и малку ја промени бојата.
Растопете ги состојките за глазурата и со неа прелијте го колачот. Оставете го 1 час на ладно и потоа сечете коцки и сладете се. Добар апетит!