Пилешки прсти со прилог ориз
Состојки
- За пилешки прсти
- 500 гр пилешки стек
- 120 гр брашно
- 120 гр пиво
- 4 јајца
- За прилог ориз
- 200 гр ориз
- 400 гр вода
- 1 лаж. зачин
- 1 лажиче сенф
- 1 жолчка
Подготовка
Пилешкиот стек се сечи на текни долгнавести парчиња со ширина од 1 см.
Најпрво се матат белките. Посебно се матат жолчките со пивото и брашното и потоа се додаваат на изматените белки. Убаво се промешува. (Јас употребив пола доза од ова и точно ми стигна за половина кг стек. Но, така ми е запишан рецептот и оригинал го пренесувам...можеби има врска ако правите покуси парчиња од овие на сликата).
Секое парче стек прво се валка во брашно и потоа во смесата и се пржи во загреано масло од сите страни додека не добие убава боја. Пржените пилешки прсти се одложуваат на книжна салфетка за да се упие вишокот на мрснотија.
Оризот и водата се варат. На крај се додаваат зачинот, сенфот и жолчката и се остава на оган уште 5 мин. За тоа време треба без прекин да се меша.
Добар апетит!