Каменчиња во снег
Состојки
- Пандишпан
- 3 јајца
- 70 гр шеќер
- 100 гр брашно
- Фил
- 500 гр павлака
- 20 гр желатин+50 мл вода
- 120 мл вода
- 200 гр шеќер
- 2 киви
- 1 банана
- 100 гр желе бомбони
Подготовка
За пандишпанот
Се матат јајцата со шеќерот. Откако ќе се изматат убаво се додава брашното.
Смесата се става во правоаголно тавче обложено со хартија и се пече на 200 степени околу 10-12 мин.
Откако ќе се испече и олади, се вади од тавчето, му се одстранува хартијата и повторно се става во тавчето.
За филот
Се става желатин во 50 мл вода за да нарасне.
Во сад на оган се става 120 мл вода со шеќерот за да се стопи.
Потоа во него се додава желатинот и се меша со лажица за да се стопи.
Во друг сад се става павлаката ( јас користев спитико) и се мати со миксер и постепено се додава желатинот, сето тоа се мати 5 мин. и потоа половина од смесата се става во тавчето со пандишпан, па врз него се става исецканото овошје ( може било што по желба) и желето. Потоа врз него се става останата смеса со павлаката.
Се става 2-3 часа во ладилник да се стегне и спремно е за јадење.
Ви препорачуваме во подготовката на овој рецепт да употребите Делимано Ростер ; Касерола