Сусамова пица пита
Состојки
- 300 мл топло млеко
- 1 (40гр) квасец
- 1 лажица шеќер
- 1 лажиче сол
- 1 лажица оцет
- 200 мл масло
- 600 гр брашно
- за фил
- 1 кисела павлака, салама, кашкавал, кечап, оригано и сусам(за одозгора)
Подготовка
Квасецот се става со шеќерот и малку брашно во млакото млеко да стои 10 мин.
Потоа во него се додаваат и останатите состојки за тестото и убаво се измесува. Се дели на 2 дела и се остава така покриено со кујнска крпа да одстои уште 15 мин.
Едниот дел го расукуваме во големина на плехот од шпоретот и го поставуваме во намастениот плех. Со половина од павлаката го премачкуваме. Потоа, рендаме од саламата, кашкавалот, попрскуваме насекаде со кечап и наросуваме од ориганото. Исто така, ја расукуваме и втората кора и ја поставуваме над филот.
Со преостанатата половина од павлаката је премачкуваме одозгора и обилно ја посипуваме со сусам.
Се печи на 220 степени, додека благо не „порумени„. Добар апетит!