Фантастичен ролат од готови кори, со прекрасно сочно полнење.
Мојот предлог за вкусен појадок во ладно, зимско утро.

Прво на загреано масло и маст го пржиме сецканиот праз.
Ги додаваме листовите шампињони и пржиме, се додека не испари течноста.
Зачинуваме и тргаме од оган.
Оставаме да се излади филот.
Во еден сад ги соединуваме со миксер јајцата, солта, биберот, киселата вода, брашното, пецивото, киселата павлака и маслото.
На работната маса ставаме лист кора и со четка премачкуваме со течноста.
Ставаме уште еден лист кора и неа ја премачкуваме со течност.
Потоа расфрламе од изладениот фил.
Постапката натаму оди кора, премачкување, фил, кора, премачкување, фил....се додека не се потрошат состојките.
Вака наредени сите кори ги виткаме во ролат.
Брзински ролатот го префрламе во тава за печење.
Со четка одозгора го премачкуваме со остатокот на премазот.
Наросуваме чурек.
Печиме во загреана рерна на 200 степени околу 40 минути.
Испечениот ролат го оставаме на кујнска решетка да се подизлади.
Сечеме парчиња и послужуваме со чаша јогурт.

Забелешка- масло е доволно, бидејќи имаме и околу 50 мл масло во филот, каде пржиме.

Фотографиите во овој рецепт се авторски фотографии.

Лиценца: Сите права се задржани