Сникерс сладолед во малку поинаква варијаната, со солени кикирики. Кој е љубител на вакви вкусови сигурно ќе му се допадне.

1. Шеќерот се топи за да се карамелизира. Се додава павлаката и се вари за да се стопи карамелот и да се добие кремаста смеса. Се додава путерот и се меша убаво. Од карамелот се остава малку за посипување врз сладоледот, а во остатокот се додаваат кикириките. Се остава да се олади.
2. Жолчките се матат со шеќерот, им се додаваат топлото млеко и павлака и се вари на тивок оган додека да се подзгусне. Се додава ванила, се остава да се олади, а потоа се става во фрижидер да се замрзне.
3. Кога ќе биде скоро замрзнат (после околу 4-5ч зависно од калапот) се вади од фрижидер и се мати со блендер за да нема кристали и да биде покремаст. Сега внимателно се додаваат кикириките со карамелот. Сладоледот се промешува со вилушка, не многу, бидејќи карамелот не треба целосно да се спои со сладоледот.
4. Се остава целосно да се олади.
5. Топките сладолед, послужете ги посипани со карамелот, стопено чоколадо (или ганаш) и сецкани солени кикирики.
6. На здравје

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови