Кај овој рецепт ми се допаѓа тоа што има малку брашно и предоминираат тиквичките и нивниот вкус. Задолжително е да бидат тиквиците исцедени од водата убаво и цедењето да трае подолго време, минимум еден саат колку поисцедени, толку помалку брашно ќе ви треба, може и воопшто нема да ви треба, затоа е наведено по потреба.

Подготовка

Прво изрендајте ги тиквиците, посолете ги и оставете ги да го ослободат вишокот на вода. Одвреме на време стискајте ги со рака и цедете ја водата. Оставете ги слободно 1 саат и повеќе во фрижидер.
Потоа измешајте ги со јајцата, додадете гриз, презла, магдонос, лукче, црн бибер, прашокот за пециво, а сол по потреба зашто претходно биле посолени. Измешајте убаво и ако смесата не е доволно густа, додадете 1-2 лажици брашно.
Потоа, во тава со загреано масло (користев Делимано фајвстар тава) вадете со лажица од смесата и истапкајте убаво и обликувајте со лажицата кружни форми со дебелина од околу 6-7 мм. Пржете на средна температура, превртете ги од другата страна по 7-8 минути. Готовите плескавици вадете ги на чинија со салвета за да се впие вишокот на маснотија.
Сервирајте со павлака, сирење, домат или по желба.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови