Измешајте ги сувите состојки и потоа истријте ги со путерот.
Додадете го млекото и јајцето и повторно компактно измешајте.

Основната идеја на рецептот беше од интернет, која претрпи промени додека се приготвуваше. Имено додатокот на вкусовите не постоеше таму, а ни јајцето. Но, гледајќи како смесата не е доволно течна, решив наместо да додавам уште течност, да ставам јајце и не згрешив. Колачот испадна од-ли-чен.

Уште една мала измена... состојките се за една поголема шолја, но решив дека полесно, полично и поубаво ќе е да ги ставам во 2 стаклени големи ременки и повторно не згрешив. Добивме од едно таман за двајца кое солидно се испече и можеше комотно и да се вади од нив иако таму се спомнува дека мора исклучиво да се срка овој десерт. А вие, ако се решите како мене, а немате ременки, тогаш можи да го распоредите и во 2 поголеми филџани. Нека не ве чуди ако ви се види дека е малку смеса во садовите, бидете сигурни дека солидно ќе нарасни.

До кај бевме со рецептот... ах да, ни остана уште да се испечи.
Ставете ги боровинките одозгора на смесата и печете на најсилно во микробрановата 2 минути.
Готово е.
Кога малку ќе подизладат ставете шлаг доколку имате, одлично оди со шлаг, а и со филџан мерак кафенце исто така заедно : )

Фотографиите во овој рецепт се авторски фотографии.

Лиценца: Сите права се задржани