Ролатов со еден збор е фантастичен. Не верувам дека има некој што не ја сака комбинацијата на грилијаж со чоколадо. Овој ролат го правам повеќе за божиќните празници како дрво, а сега со мали промени го направив за Велигден.
Кора
Јајцата ги кршиме и ги двоиме белките од жолчките. Жолчките ги матиме со 6 лажици шеќер. Додаваме 2 лажици брашно и 100 гр мелени ореви.На крај го додаваме снегот од 6те белки. Лесно мешаме и печеме во плех покриен со пек хартија во загреана рерна на 180 степени околу 10-12 минути.
Печената кора со хартијата што се печеше ја виткаме како ролат и оставаме да се олади.
Грилијаж
100 гр шеќер со 150 гр ореви и една лажица путер се пржат на оган додека се растопи шеќерот. Потоа додека е жешко го истураме на хартија и оставаме да се олади. Ладниот грилијаж го толчиме.

Фил
160 гр шеќер со 3 јајца се мешаат на пареа додека згуснат. Се оставаат да се оладат.
На страна се мати путерот и се додава смесата со јајца.100 гр чоколадо се топи на пареа и се додава кај путерот.На крај се додава грилијажот(дел оставаме за декорација)
Врз кората го нанесуваме целиот фил и виткаме ролат.
Топиме 100 гр чоколадо и го полеваме целиот ролат и нанесуваме грилијаж. Декорацијата ја завршуваме со Велигденски декорации направени од фондан.
Среќни Велигденски празници на сите !

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови