Полнети пиперки
Состојки
- 500 гр мелено месо
- 1 чаша ориз
- 6-7 големи пиперки
- 1 поголем домат или 2 помали
- 1 помал кромид или 4-5 млади кромидчиња
- 1 лажица црвена пипер
Подготовка
Пиперките ги миеме и ги чистиме од рачките и семките.
Во тава го ставаме меленото месо со малку масло и го пропржуваме, мешајќи да се што повеќе растреси. Го додаваме ситно сецканиот кромид и оризот и уште малку време попржуваме мешајќи.Пред крај ги додаваме зачините и ситно сецканиот магдонос. Црвената пипер последна.
Со оваа смеса ги полниме пиперките со помош на мало лажиче скоро до крај и отворот го затвораме со парче домат.
Ги редиме во огноотпорна тава за печење. Налеваме скоро до пола во висина на пиперките вода и ги попрскуваме со уште малку масло.
Печиме на температура од 220 степени половина час.
Во чинија сервираме една пиперка и ја налеваме со сосот во кој се печела. Добар апетит!