Проја (со сирење)
Состојки
- 150 гр Царевно ( пченкарно ) брашно
- 170 гр Брашно
- 1 Пециво
- 2 Јајца
- 1 -2 м.л. Сол
- 300 мл Млеко
- 100 мл Масло
- 2 г.л. Кисела павлака
- 200 гр Сирење
- по потреба - сусам
Подготовка
Сочна, мека, вкусна, здрава...идеална за појадок или вечера. Ова е основниот рецепт според кој најчесто ја правам, иако понекогаш додавам и други состојки освен сирењето, како на пример маслинки, спанаќ, зденки, шунка, магдонос.....што и да имам во моментот.
Подготовка -
1. Двата вида на брашно ги просејуваме и ги соединуваме со пецивото.
2. Јајцата ги матиме кратко со миксер, додаваме сол, па потоа го додаваме млекото, маслото, павлаката, па двата вида на брашно со пецивото - миксираме до хомогенизирање. На крај го додаваме сирењето ( издробено со вилушка ) и промешуваме.
3. Тавчето го намастуваме и побрашнуваме, ја истураме смесата за проја и одозгора наросуваме сусам ( може и ленено семе )
4. Печеме во загреана рерна на 180 степени околу 30 минути.
5. Послужуваме со чаша јогурт.
На здравје!