Пире од спанаќ
Состојки
- 1 кг Спанаќ
- 3-4 чешниња Лук
- 1 главица Кромид
- 2 г.л.(рамни) Брашно
- малку масло или путер
- 400 мл Млеко
- по вкус сол и црн пипер
Подготовка
Првпат го правам, ама дефинитивно не и последен. За љубителите на спанаќ топло ви го препорачувам овој рецепт, кој е од постарите рецепти кои вредат да се направат. Според тетка ми (од која ми е даден рецептот) ова Спанаќ пире најчесто се служи како прилог со месо по свој избор, меѓутоа одлично оди и со кисело млеко или павлака (исто како стандардно приготвениот спанаќ).
1. Најпрво ги сечеме дршките на спанаќот, па го миеме и го ставаме да се вари околу 10 минути. Потоа го цедиме и на даска ситно го сецкаме (јас во рачниот сецко Делимано џој).
2. На загреано масло или путер ги пропржуваме лукчето и кромидот (ситно исецкани) па го додаваме брашното...пржиме неколку минутки, па го додаваме ситно исецканиот спанаќ. Го пржиме и него неколку минутки, па почнуваме со додавање на млекото, малку по малку со непрекинато мешање на тивок оган.
3. На крај посолуваме и додаваме црн бибер по вкус.
На здравје!