Чоко бајадера
Состојки
- 80 гр урми
- 4 лажици какао
- 3 лажици путер од кикиритки
- 2 лажици вода
- Прелив
- 20 гр темно чоколадо со 70 % какао
- 1 лажиче кокосово масло
Подготовка
Брза, превкусна бајадера, само од неколку состојки. Од оваа количина не излегуваат многу парчиња, па ако сте повеќе членови правете дупла доза =))
1. Урмите ги ставаме во жешка вода да стојат 20 минути. Во блендер ги ставаме исцедените урми, какаото, путерот од кикиритки и од водата во која беа потопени урмите. Блендираме да се добие хомогена смеса.
2. Смесата ја ставаме на хартија за печење, одозгора ставаме уште една и ја распределуваме во дебелина од 1 цм.
3. Оставаме во фрижидер да се стегне. По неколку часа сечеме парчиња по желба кои ги прелеваме со стопено темно чоколадо помешано со кокосово масло.