Мафини со банана
Состојки
- 100 гр путер
- 50 гр шеќер
- 1 јајце
- 2 лажици какао
- 200 мл млеко
- 1 лажичка ванила екстракт
- 150 гр брашно
- 1 пециво
- 50 гр ореви
- 1 банана
- кора од 1 портокал
Подготовка
Си купив силиконски калапчиња за мафини и веднаш се стаив да ги пробам. За првпат подготвив слатки мафини во Апаратот за готвење со топол воздух, фраерот мој во кујна =) Да ви кажам презадоволна сум од исходот.
Подготовка:
1. Путерот треба да ни е омекнат, на собна температура. Го матиме путерот со шеќерот па додаваме јајце и ванила екстракт, соединуваме.
2. Потоа ги додаваме млекото и какаото, соединуваме повторно со миксер.
3. Пецивото го мешаме во брашното и ги додаваме кон течната смеса.
4. Исечканото чоколадо и исечканите ореви ги додаваме, промешуваме па ја додаваме кората од портокал и на крајот исечканата банана.
5. Соединетата смеса ја распоредуваме во калапи за мафини, најдобро е во силиконски калапи или пак во хартиени калапчиња. Ги печеме во загреана рерна на 180 степени со вентилатор.
Забелешка
Ставав по 4 мафинчиња да се печат на 180 степени, 8-10 минути. Од оваа доза ми излегоа 16 мафини.
За оние што немаат ваков апарат ви пишав во подготовка како да ги печете. Инаку не се многу благи, а кога ќе гризнете од нив се гледаат и чувствуваат парчињата банана.