Домашна супа со ќофтенца
Состојки
- 100 гр мелено месо
- 1 морков
- по желба фиде
- 1 коцка за супа (говедска)
- по желба сол, зачин, црн бибер
- 1 компир
- малку масло за јадење
- малку магдонос
- 1 јајце
- малку млеко
Подготовка
Секогаш кога готвам нешто со мелено месо, задолжително издвојувам стотина грама и правам вкусна домашна супа. особено во зимските месеци сите дома си ја сакаме.
1. Меленото месо го зачинуваме со сол, бибер и зачин, неколку капки масло, го замесуваме и правиме ќофтенца.
2. Водата ја ставаме на едната рингла во тенџере да зоврие, а на другата рингла во мало тавче ги пржиме ќофтенцата. Штом водата зоврие, ќофтенцата ги вадиме од маслото и ги ставаме во зовриената вода. Во маслото од ќофтенцата го рендаме морковот и го пропржуваме до подгорување и целата смеса ја истураме во зовриената вода.
3. Компирот го лупиме и го сечкаме на коцкички кои ги додаваме во водата, коцката супа и по вкус зачинуваме со сол, зачин и бибер. Кога компирчето ќе подомекне, по желба додаваме фиде. Кога и фидето ќе се свари, сечкаме магдонос, ја тргаме супата од оган и откако малку ќе се подолади, ја зачинуваме со разматено јајце со малку млеко.