Брза, мека погача, без месење
Состојки
- 2 јајца
- 1 лажиче сол
- 230 гр брашно
- 1 лажиче пециво
- 200 мл јогурт
- 120 мл масло
- 100 гр урда
- Сусам и буковец за одозгора
Подготовка
За сите љубители на домашна храна, за оние кои не се љубители да месат, да сукаат... Ви требаат само 5 минути за подготовка. Погачката е многу мека и вкусна. Количината е мала, печев во најмала ростер тава, или може во округла тава бр. 20. Ако ви треба поголема количина,дуплирајте ги состојките и печете во тава бр 24 или во поголема правоаголна тава.
1. Во сад ставаме 1 цело јајце и 1 белка. Додаваме сол и матиме додека смесата не побели. Со исклучен миксер ги додаваме течните состојки, маслото и јогуртот. Додаваме просеано брашно и пециво. Лесно, со шпатула ги соединуваме сите состојки.
2. Смесата ја истураме во калап кој е обложен со хартија за печење или е намастен и набрашнет.
Одозгора со лажиче расфрламе од урдата, премачкуваме со жолчката, наросуваме буковец и сусам.
3. Печиме во загреана рерна околу 30 минути.
Погачката ја вадиме од тавата, ја оставаме малку на решетка да се излади, па ја послужуваме со јогурт.