Испечати

Карамел обланда

Карамел обланда

Состојки

  • 1 пакување обланди
  • 700 гр шеќер
  • 500 мл млеко
  • 100 гр путер
  • 150 гр маргарин
  • 100 гр чоколадо за готвење
  • 400 гр мелени бисквити
  • 400 гр мелени ореви
  • 1 пакетче ванилин шеќер

Подготовка

Ова е највкусната обланда што сум ја пробала. Рецептот е од стариот тефтер на мајка ми.

1. Шеќерот се става во тенџере на оган да се запече, односно да почне да се карамелизира. Кога ќе пожолти и ќе почне да замирисува, се додава млекото и ванилиот шеќер. Се намалува температурата на потивко и се остава да врие додека карамелот убаво не се растопи. Кога е целосно стопено и последното зрнце карамел, зовриеното млеко се трга од огнот. Во него се додаваат бисквитите и оревите Се меша убаво и во жешката смеса се става маргаринот, путерот и чоколадото за готвење. Се меша додека се убаво се растопи.

2. Со добиениот фил се филуваат обландите, се потискаат со нешто рамно за да не се свиткаат и се оставаат на ладно да се здрват.

Се сече следниот ден.