Испечати

Крем супа од тиква и праз(посно)

Крем супа од тиква и праз(посно)

Состојки

  • 1 страк (околу 100гр) праз
  • 300гр тиква (исчистена)
  • 2 голема лажица маслиново масло
  • по потреба вода (или бујон)
  • по вкус сол, црн бибер

Подготовка

За љубителите на крем супи еве еден предлог за здрава и вкусна комбинација.

1. Прво се чисти тиквата, па ја сецкаме на мали парчиња. Потоа го миеме и сецкаме празот.

2. На средна температура го загреваме маслиновото масло, го додаваме празот, мешаме и динстаме неколку минути. Ги додаваме и парчињата тиква, додаваме вода или бујон(по желба) колку да биде прекриен зеленчукот. Нека зоврие, па вариме околу 40-на минути (проверете дали е сварена тиквата). По потреба налејте вода, така да цело време нека  биде прекриен зеленчукот.

3. Нека олади неколку минути супата, па зеленчукот и дел од течноста префрлете ги во блендер, посолете, ставете црн бибер- изблендирајте, остатокот од течноста додајте го ако има потреба.

Послужете топло, по желба додадете павлака - ако не ви е битно дали е посна варијанта.

Забелешка - понекогаш во оваа комбинација додавам и компир, ама во тој случај ја зголемувам и течноста поради густината од компирот.