Испечати

Летен тирамису

Летен тирамису

Состојки

  • 250гр маскарпоне
  • 150гр крем сирење
  • 6 лажици слатка павлака
  • 2 лажици шеќер во прав
  • 1/2 лажиче рендана кора од лимон
  • 6 пишкоти (или по потреба)
  • 50мл кафе (по можност еспресо)
  • 50мл сок од цреши
  • 70гр малини
  • 70гр боровинки
  • 70гр црвени рибизли
  • За посипување
  • 1/2 лажица какао во прав

Подготовка

Десерт кој се подготвува за 5 минути, едноставен а вкусен и освежителен. Идеален е за во топлите летни денови.

Подготовка
Овошјето измијте го, измешајте го и оставете да се исцеди.
Подгответе 4 широки теглички со капак или десертни чаши.
Сварете го кафето и измерете 50мл од него.
Во еден длабок сад ставете го маскарпонето, крем сирењето, слатката павлака (нематена), шеќерот и кората од лимон. Кратко изматете со миксер за да се спојат сите состојки.
Во еден длабок сад ставете го кафето и сокот од цреши. Во оваа мешавина натопете ги пишкотите и распоредете ги во тегличките/чашите. По потреба кршете ги за да ги собери во десертните садови.
Врз нив ставете од мешавината овошје, со лажица натиснете го малку овошјето, и одозгора ставете од кремот со маскарпоне.
Затворете ги тегличките и ставете во фрижидер да одстојат 1-2 часа.
Пред послужување одозгора наросете со какао.