Пица полжавчиња
Состојки
- 1 кг брашно
- 0,5 литри млеко
- 1 јајце
- 1 коцка свеж квасец
- 1 лажиче шеќер
- 1 лажица сол
- 100 мл масло
- За премачкување
- околу 120 гр маргарин
- За фил
- околу 200 мл кечап
- 250 гр салама
- 250 гр кашкавал
- 2-3 лажици оригано
Подготовка
1. Запенете го квасецот со шеќерот, малку брашно и дел од топлото млеко. Потоа од сите состојки замесете глатко тесто.
2. Тестото поделете го на два дела. Секој исукајте го во правоаголник, премачкајте го со омекнатиот маргарин, преклопете, повторно премачкајте и уште еднаш преклопете. Ставете го во најлон и потоа во замрзнувачот додека го спремате следниот дел на истиот начин.
3. Откако ќе отстои тестото 20на минути најмалку, се зема првото и се сука во долга правоаголна кора која се премачкува со кечап, се поросува со оригано и се става насекаде од ренданата салама и кашкавал. На крај се витка ролна која ја сечеме отприлика на прст дебелина. Секое парче се реди во тава и се печат на 200 степени додека благо поруменат.