Испечати

Матеј торта - торта со вишни и чоколаден крем

Матеј торта - торта со вишни и чоколаден крем

Состојки

  • 24 белки
  • 600гр шеќер
  • 600гр ореви
  • 12 лажици брашно
  • 3 пецива
  • фил 1
  • 400мл млеко
  • 200гр шеќер
  • 100гр какао
  • 1 кесичка пудинг од чоколада
  • 200гр маргарин + 8 жолчки
  • 200гр шеќер во прав
  • фил 2
  • 800гр вишни
  • 200гр шеќер
  • 250мл вода
  • 4 лажици густин
  • 5 лажици рум
  • 600-700гр чоко крем
  • 500гр шлаг за декорација

Подготовка

Се печат 3 кори
8 белки убаво се матат во цврст снег. Се додава 200гр шеќер и се мати додека се добие цврста стаклеста маса. Кон изматените белки се додава 200гр ореви мелени, 4лажици брашно и 1 пециво. Се меша полека со дрвена лажица, се сипе на хартија во плех и се пече околу 35 минути на 170степени.
фил 1
Млекото се загрева со шеќерот и какаото па се додава разматениот пудинг и се вари крем. Кон оладениот крем се додава изматениот маргарин со шеќер во прав и жолчките и се мати додека се добие убав мазен крем.
фил 2
Вишните се ставаат со шеќерот да зовријат, а потоа се додава разматениот густин и се вари крем. Во зависност од тоа колку сок ќе пуштат вишните густинот може да се намали или зголеми. Одкако ќе се подизлади се додава и румот.
На подлога се става една кора се премачкува со крем, се става филот од вишни, па чоколадниот крем. Се повторува исто и со другите две кори.
Убаво е да се внимава дебелината на филот да е иста на секоја кора. Одозгора се декорира по желба или потреба. Кај мене беше роденденска за прекрасниот Матеј и така и тортата си го доби името.