Мачмелоу торта
Состојки
- За пандишпан
- 6 Жолчки
- 150гр Шеќер
- 5г.л. Вода (врела)
- 1и1/2шол (за кафе) Млеко (млако)
- 1 шол (за кафе) Зејтин
- 1 Пециво
- околу 300гр Брашно
- За шам
- 6 Белки
- 18г.л. Шеќер
Подготовка
Оваа торта е често застапена кај нас, пред се затоа што состојките кои ни се потребни скоро во секое време ги имам дома.
Почнуваме со подготовката на пандишпанот -
-Ги матиме пенесто жолчките со постепено додавање на шеќерот, потоа ги додаваме течните состојки, а на крај пецивото и брашното, густината на смесата е како за класичен пандишпан.
Пандишпанот се пече на 180 степени (проверуваме со чепкалка)
-Во меѓувреме ги матиме белките со постепено додавање на шеќерот...цврсто, како за кајмаци (целуфки)
Шамот го ставаме врз печениот пандишпан, враќаме во рерна уште 5 минутки колку да фати кора (или подолго колку да фати крем боја) - како сакате.
Одозгора не мора да ставате ништо, или по желба - кокос, стопено чоколадо, какао...
Забелешка - шољата што ја користев е од 200мл.
На здравје!