Испечати

Ориз со зеленчук и копани

Ориз со зеленчук и копани

Состојки

  • 200гр Ориз
  • 4 Копани
  • 2 Главици Кромид
  • 2 Моркови
  • 3 Компири
  • 50-100гр Царевка (замрзната)
  • по вкус зачини, сол, магдонос.....

Подготовка

Најпрво ги подготвуваме копаните, кои ги вариме околу 1 час...во водата додаваме сол.
Потоа директно во тавчето (број 28) каде што ќе го правиме оризот загреваме малку зејтин и го пропржуваме кромидот додека да омекне. Ги додаваме претходно исецканите компири и ренданите моркови. Ги пропржуваме кратко и нив - да се спојат вкусовите. На крај ги додаваме исчистениот ориз и царевката, налеваме од жешката вода во која ги варевме копаните (преку цедалка) ги ставаме и копаните, па посолуваме и зачинуваме по вкус.
Печеме во загреана рерна на 250 степени околу 1 час, односно додека да испари течноста и да се свари оризот.
Пријатен ручек!