Испечати

Неделен ручек од мелено месо и разновиден зеленчук

Неделен ручек од мелено месо и разновиден зеленчук

Состојки

  • 500 гр мелено месо
  • 100 гр димена свинска сланина
  • 1 јајце
  • 1 парче двопек
  • 1 главица сецкан кромид
  • 2 варени јајца
  • 1 рака брокула
  • 3 компири
  • 1 морков
  • 1 среден корен пашканат
  • 1/2 корен од целер
  • 200 мл вода или бујон
  • Листови целер, магдонос, оригано, сол
  • Бибер масло, 1/2 лажичка мелен пимент, малку црвен пипер

Подготовка

Парчето двопек го натопуваме во ладна вода, па го цедиме со рацете. Во сад налеваме околу 50 мл масло и го ставаме ситно сецканиот кромид. Го запржуваме, да застакли. Го тргаме настрана да се излади. На овај начин ќе биде многу порастресито месото, само ако се стави жив кромид(ќе пушти вода). Сега кај изладениот кромид го додаваме јајцето, двопекот, месото, сланинката, сецканиот магдонос и зачините. Убаво месиме со рака. Го оставаме месото во фрижидер 1 час да одстои. Сега го чистиме зеленчукот. Го сечеме на парчиња по големина. Земаме округла ростер тава бр.26. Во средината на тавата ставаме половина од месото. Убаво со раце го израмнуваме како голема плескавица. Врз него редиме цветчиња брокула и сецкани варени јајца. Ги покриваме со останатата половина месо. Околу месото го редиме морковот, целерот, пашканатот, листовите целер. Ги покриваме со кругови компири. Налеваме вода и го ставаме ручекот во рерна околу 45 минути да се пече на 190 степени. Топло го сервираме.