Карамел бисквит бајадера
Состојки
- 3 Јајца
- 300гр Шеќер
- 200гр Лешник карамели
- 1 (250гр) Маргарин
- 450-500гр бисквити (мелени)
- 2г.л. Какао
- за глазура
- 100гр Чоколадо за готвење
- 3г.л. Зејтин
Подготовка
Една од омилените, и во класична варијанта, и на овој начин - со карамели.
Подготовка
Јајцата ги разматуваме со вилушка, го додаваме шеќерот и карамелите (исецкани на 2-3 парчиња за полесно да се растопат) ги ставаме на тивок огин додека да се растопат карамелите и убаво да се соединат состојките. Го додаваме маргаринот, мешаме додека да се стопи и тргаме настрана. Нека остине 5 минутки, па оваа смеса ја истураме врз мелените бисквити, мешаме додека да се добие компактна смеса. Се дели на 2 дела, во едниот дел додаваме какао, во тавче ставаме стреч фолија и го расплескуваме прво темниот дел, па светлиот дел. Најзгора ставаме глазура од стопено чоколадо со 3 лажици зејтин на пареа.
Оставете малку да се стегне во обичен фрижидер, сечете на правоаголници, послужете и уживајте во неодоливиот вкус на оваа бајадера.