Tестенини со тиквичка, пршута и маслинки
Состојки
- Состојки
- 500 гр макарони или други тестенини
- 300 гр тиквички или 2 помали
- 100 гр пршута
- 2 чешниња лук
- 400 гр домати
- 50 гр црни маслинки
- 100 гр рендан пармезан
- Потребно е уште сол,босилок,оригано
Подготовка
Ако сакате да приготвите за кратко време вкусен ручек, а сепак тоа да не се класични тестенини, ви го препорачувам овој рецепт.
Најпрвин ги сечеме тиквичките на ленти со должина од 3 сантиметри, ги посолуваме и оставаме да одстојат малку.
Се ставаат тестенините во солена зовриена вода и треба да вријат неколку минути.
За тоа време на зејтин ги запржуваме тиквичките. Ја додаваме пршутата исечена на тенки парчиња. Го додаваме и лукот исечен на ситно. Кон ова ги додаваме доматите, излупени и исечени на коцки. Посолуваме, додаваме босилок и оригано и на крај ги додаваме и сечените црни маслинки. Во овој сос ги додаваме и исцедените тестенини, во овој случај макарони, мешаме и на крај посолуваме со пармезан и со ситно сечен босилок.
На здравје.