Кифли со квасец и пециво
Состојки
- 1 и 100 гр брашно
- 1 лажица сув квасец
- 1 пакетче прашак за пециво
- 1 лажица шеќер
- 2 лажички сол
- 1/2 л млако млеко
- 10 лажици масло
- 100 мл јогурт
- Фил
- 400 гр изварка (урда)
- 1 јајце
- 150 гр маргарин (за поливање)
Подготовка
Измешајте го сувиот квасец во млакото млеко заедно со шеќерот и оставете го пет минути да се стопи. Потоа додајте ги останатите состојки и измесете убаво, мазно тесто. Изудирајте го десетина пати од работната маса и оставете го да се одмори десетина минути. Поделете го на парчиња со големина по ваша желба, во зависност од тоа колкави сакате да ви бидат големи кифлите. Јас направив 40 парчиња.
Расучете ги овално, на едниот крај ставете од филот, другиот крај пресечете го три-четири пати, завиткајте ја кифлата и ставете ја на плех обложен со хартија.
Откако ќе ги формирате сите кифли, прекријте ги со кујнска крпа и оставете ги да киснат отприлика час и половина.
Одозгора премачкајте ги со јајце, наросете сусам. Маргаринот растопете го и со мало лажиче прелијте ја секоја кифла.
Печете во загреана рерна на 200 степени додека не заруменат.