Испечати

Штрудла со јаболка со јогурт

Штрудла со јаболка со јогурт

Состојки

  • 500гр Кори
  • 2 Јајца
  • 1 чаша Шеќер
  • 1 чаша Јогурт
  • 1 чаша Зејтин
  • 1 Пециво
  • 1,2 кг Јаболка
  • 2г.л. Гриз
  • 2г.л. Шеќер
  • 1 Ванила
  • по потреба Прав шеќер

Подготовка

Ова е еден од омилените десерти во мојата фамилија, се прави брзо, ама уште побрзо се јаде...

Подготовката е на следниот начин

1. Најпрво ги миеме, лупиме и рендаме јаболката ( на појадрата страна од рендето )
2. На ренданите јаболка им ги додаваме гризот, 2-те лажици шеќер и ванилата ( ги стискаме од вишокот на течноста што ќе ја пуштат )
3. Од останатите состојки правиме смеса со миксирање на истите, со таа смеса ги премачкуваме корите насекаде.
4. За еден ролат ни се потребни 3 кори.
5. Зимаме една кора, ја премачкуваме насекаде од смесата, зимаме втора кора, исто така мачкаме насекаде, зимаме трета кора, и неа ја мачкаме насекаде од смесата.
6. На долната страна ставаме од јаболката и виткаме ролат.
7. Ги редиме во плех, ги сечеме на парчиња и ги премачкуваме одозгора со остатокот од смесата.
8. Се печат на 180 степени ( во загреана рерна ) околу 40 минути.

Забелешка - откако ќе се испече штрудлата, оставаме да се излади, па ставаме прав шеќер одозгора со цедалка. Чашата е 200мл