Испечати

Баварски лепчиња

Баварски лепчиња

Состојки

  • За тесто
  • 500 г брашно
  • 250 мл топла вода
  • 100 мл масло
  • 1 лажиче кафеав шеќер Натура
  • 1 лажиче сол
  • половина коцка квасец
  • За потопување
  • 500 мл вода
  • 1 и пол лажица сода бикарбона
  • 1 лажиче сол
  • За одозгора
  • крупна сол за попрскување
  • путер за премачкување после печење

Подготовка

Продолжувам во Баварскиот дух после успехот со переците. На ред дојдоа баварски лепчиња. Превкусни, меки и поедноставни за правење од переците.

Растворете го квасецот во водата со шеќерот.
Потоа додадете ги останатите состојки за тестото и замесете меко тесто. Оставете го да надојди 1 час.
Потоа поделете го на 16 парчиња.
Од секое парче оформете топче и малку сплескајте го со дланката. Оставете ги така непокриени 20тина минути.

Откако сите топчиња ќе бидат подготвени, сварете ја водата со солта и содата.

Секое топче ставете го во водата која врие по 10тина секунди и вадете ги прво на крпа, па потоа редете ги во плех обложен со хартија за печење.

Засечете ги сите топчиња со остар нож, наросете крупна сол и ставете ги да се печат на 180-200 степени околу половина час или додека убаво не поруменат.

После печењето, премачкајте ги со путер.
На здравје