Испечати

Салата од моркови

Салата од моркови

Состојки

  • 5-6 големи моркови
  • 1 лажица путер
  • 1/2 лажица мешан сув зачин
  • 1 китка магдонос
  • 3 лажици кисела павлака 20 % масленост
  • малку црн пипер, сол по вкус

Подготовка

Освежителна и вкусна салата за летниве денови.

1. Морковите се чистат, се мијат се сечат на кругови. Се ставаат во тенџере и се тура вода од околу 1 прст над нив. Се става путерот, малку црн пипер и мешаниот сув зачин, се вари додека да омекнат морковите и да испари течноста.

2. Се истура течноста ако останала и се остава да се изладат.

3. Изладени морковите се ставаат во сад, се става павлаката, исечканиот магдонос и се додава сол по вкус ако има потреба, се меша сето убаво и се мези.

Количината може да се дуплира, може да се додаде оригано, печурки и друго по вкус.