Видео рецепт: Крамбл со шумско овошје и лешници
Состојки
- За ТЕСТО ќе ви треба:
- 125 гр. бело брашно
- 125 интегрално брашно
- 4 лажици кафеав шеќер
- 1 ванилин шеќер
- кора од пола лимон (ситно нарендана)
- 1/3 лажичка сол
- 50 гр. сечкани или дробени лешници
- 125 гр. путер
- За ОВОШЕН ДЕЛ ќе ви треба:
- 350 гр. шумско овошје
- 4 лажици кафеав шеќер
- 1 ванилин шеќер
- 1 рамна лажица густин
- Ќе ви треба и:
- путер за премачкување
Денес ќе готвиме заедно со Валентина, готвач член на нашата веб-страница. Таа ќе подготви еден од нејзините најпопуларни рецепти, Крамбл со шумско овошје и лешници.
Крамбл, или комбинација од слатко путер тесто со лешници и пудинг од мешано овошје.
Подготовка
Чекор 1: Рерната вклучете ја на 180 степени.
Чекор 2: Тавата премачкајте ја со путер и на дното наредете го овошјето. Над овошјето ставете го шеќерот, ванилиниот шеќер, густинот и благо протресете ја тавата за да се измешаат состојките.
Чекор 3: Во друг сад ставете ги двата вида брашно, ванилиниот шеќер, кората од лимон, солта и ладниот путер исецкан на коцки. Сите состојки тријте ги низ дланки за да добиете убаво зрнесто тесто. На крај додадете ги лешниците. Измешајте со вилушка и распоредете ги трошките над овошјето.
Чекор 4: Печете околу 35 минути додека да зарумени и стане крцкав. Сервирајте во чинија додека е топол!
СОВЕТ: Приготвениот Крамбл може да го сервирате со топка сладолед или свежо овошје, по желба. За посна верзија, наместо путер употребете маргарин.