Едноставна чоколадна торта
Состојки
- пандишпан
- 1 + 3/4 чаша брашно
- 1 + 3/4 чаша шеќер
- 3/4 чаша какао
- 2 лажички сода
- 1 лажичка пециво
- 2 јајца
- 1 чаша инстант кафе
- 1 лажица сок од лимон
- 1 чаша млеко
- 1/2 чаша масло
- 1 ванила
- чоколаден фил
- 1 пудинг од чоколадо
- 400 мл млеко
- 1 лажица путер
- 4 лажици шеќер
- чоколаден прелив
- 100 гр чоколадо
- 3 лажици путер
- 5 лажици млеко
- 2 лажици шеќер
Подготовка
Рецептов го најдов на интернет и малку го прилагодив. Испадна многу убава и сочна чоколадна торта, но сепак едноставна за подготовка. За рецептот користев чаша од 200 мл.
Подготовка на пандишпанот
1. Рерната ја загреваме на 180 степени. И го спремаме плехчето го премачкуваме со масло и посипуваме брашно.
2. Млекото и лимоновиот сок се комбинираат во чаша и се остава некоја минута да се згусне.
3. Се мешаат сувите состојки брашно, шеќер, какао, сода, пециво. Па се додаваат јајцата, кафето, млекото, маслото и ванилата. Се бие на средна брзина 2 минути колку да се соедини смесата и се истура во плехчето. Се става да се печи околу 30-40 минути. Проверете со чепкалка дали е печно.
Подготовка на филот
Пудингот се спрема на вообичаениот начин, па додека е жежок се додава една лажица путер. Се остава 5 минути да се излади и жежок се истура врз жешкиот пандишпан кој е избоцкан со вилушка.
Се остава околу 30-тина минути да се излади па се прелева со чоколадниот прелив кој се подготвува на следниов начин:
Сите состојки се ставаат во тенџере на оган, да се растопат и да се изедначи смесата, па се прелева врз филот.
Оставете ја неколку часа во фрижидер, а потоа уживајте!