Испечати

Видео рецепт: Колачи од лимон со фил од јагоди

Видео рецепт: Колачи од лимон со фил од јагоди

Состојки

  • За ТЕСТО ќе ви треба (1 шолја=240 гр.):
  • 1 шолја (175 гр.) путер
  • 1 + 1/4 шолја (250 гр.) шеќер
  • 1 лимон
  • 1 +1/2 лажичка (1/2 пакување) прашок за печиво
  • 1/2 лажичка ванила екстракт
  • 1/2 лажичка лимон екстракт
  • малку жолта боја
  • 2 јајца
  • 2 +1/3 шолји (300 гр.) брашно
  • За ФИЛ ќе ви треба:
  • 2 раце јагоди
  • 1/2 шолја (75 гр.) путер
  • 225 гр. крем сирење
  • 2 шолји шеќер во прав
  • 1 лажичка ванила екстракт
  • 1/2 лажичка екстракт од јагоди
  • малку црвена боја

Фичо ќе подготви освежителни сендвич колачи од лимон, со фил од крем сирење и јагоди. Совршени за детските забави!

Подготовка

Чекор 1: Рерната загрејте ја на 175 степени.

Чекор 2: Во миксерот ставете го путерот и шеќерот и матете додека не се соединат. Кога структурата ќе стане кремаста, додадете ја кората од лимон и сокот, пецивото, екстрактот од ванила, екстрактот од лимон и жолтата боја. Мешајте додека убаво да се спојат состојките.

Чекор 3: Додадете ги јајцата едно по едно. Потоа додадете го брашното и продолжете да мешате на средна брзина.

Чекор 4: Ставете ги колачињата на тавата за печење со помош на лажица и печете 8 минути. Испечени оставете ги целосно да се оладат.

Чекор 5: За приготвување на филот ставете ги сите состојки во миксер и убаво соединете ги.

Чекор 6: Спојте ги колачите со филот и сервирајте.

СОВЕТ: Доколку не сакате, не мора да додавате прехрамбена боја, но ние ставивме за подекоративен изглед.