Испечати

Бигорска идила

Бигорска идила

Состојки

  • за тесто
  • 300 гр. брашно
  • 1 пакетче (10гр) прашак за пециво
  • 200 гр. мелени ореви
  • 12 лажици шеќер
  • 2 лажици какао
  • 1 кесичка пудинг од ванила
  • 100 гр. лебни трошки
  • 100 мл масло
  • 500 мл вода
  • по желба рендана кора од портокал
  • за фил
  • 10 лажици шеќер
  • 3 пудинзи од ванила
  • 1 ванилин шеќер
  • 10 лажици кокосово млеко
  • 800 мл вода
  • 100 гр кокос
  • 50 гр мелени ореви
  • 50 гр посно чоколадо
  • 250 гр маргарин
  • 250 гр шеќер во прав

Подготовка

Уште еднаш по којзнае кој пат длабоко се поклонувам на Бигорски Манастир и идејата за нашата посна Новогодишна торта.

Најпрво се припрема пандишпанот. Во подлабок сад се става водата и шеќерот јас ставив и 2 ванили во тестото и со лажица се размешува да се подрастопи шеќерот, а потоа се додаваат масло и на крај сите суви елементи. Се меша тестото додека не се изедначи смесата. Идејата во каква тава ќе ја печете Ви ја оставам вас. Јас сакав овој пат да направам округла торта со едно подебело тесто и филови над него па така и печев. Тестото се пече 20-25 мин на 180 степени.

Во сад на оган се става 500 мл вода и кокосовото млеко да проврие. Во останатата вода во друг сад се размешуваат пудинзите. Јас денес немав три па ставив еден пудинг од ванила и околу 80 гр густин. Се вари густ крем и од кога ќе ја добие потребната густина се трга од оган. Се дели на два дела. Во едниот се додава 100 гр. кокос а во другиот 50 гр рендана чоколада и 50 гр мелени ореви. Маргаринот се мати со 250 гр шеќер во прав и се дели по половина во двата сада со изладените кремови. Се матат филовите со миксер убаво да се изедначат.

Испечениот пандишпан се попрскува со сок од цеден портокал и се филува прво белиот фил па кафеавиот. Јас го искористив кафеавиот за украсување на тортата.

Забелешка. Пудингот во тестото не е грешка, треба да има едно пакетче и по желба рендана кора од портокал.