Здраво пријатели, планирам да станам поредовна во споделувањето на рецепти во наредниов период и имам една идеја која ја планирам од 2-3 месеци и еве конечно и дојде времето =), планирам да качувам по неколку рецепти од дадена кујна секоја седмица, па од каде да почнам ако не од една од најомилените во светски рамки кујна, имено италијанската.
Рецептот за паста е едноставен и поверувајте пресната паста е многу повкусна во споредба со таа во пакетче и го задржува сосот многу полесно, а воопшто не е тешко да се направи дури и без специјална машина за паста.
1. Од состојките се замесува тесто се завиткува во фолија и се остава во фрижидер за 30-40 минути.
- За времето во кое тестото е во фрижидер глутенот од брашното ќе се активира и кога ќе го извадите од фрижидер самото тесто ќе биди значително помеко.
1. ПАСТА АНГЕЛСКА КОСА
- Тестото за паста се расукува многу тенко со помош на дополнително брашно и сукало или со машина на паста (важно е да е многу тенко исукано без разлика кој од двата начини е користен). Кората се посипува со брашно и се завиткува на ролат и со нож се сечат текни 1-2 мм парчиња од ролатот потоа се отвора едно по едно парченце од ролатот да стани лентичка. Оваа паста е добро да се комбинира со кремообразни сосови без парчиња месо или зеленчук.
2. ПАСТА ТАЉАТЕЛЕ
- Начинот на подготовка е истиот како кај ангелската коса само разликата е во тоа што лентите се сечат со дебелина од горе долу 1 сантиметар.
3. ПАСТА ПАПАРДЕЛЕ
- Начинот е ист како при ангелската коса и таљателето, но тука лентите се уште пошироки. Оваа паста е како за кремасти сосови така и за сосови со парченца зеленчуци и месо. Одлична е за болоњезе на пример, затоа што широките лентички не дозволуваат месото да се одели и да остани во чинијата како што се случува со шпагетите.
4. ПАСТА ФАРФАЛЕ
- Машничките од паста се прават многу лесно само потребно е расуканиот лист паста да се раздели на еднакви правоаголници со димензии горе долу 1,5 на 4 сантиметри. Така подготвени правоаголниците се притискаат со прсти во средината и се добиваат панделките. Оваа паста е најдобра во комбинација со кремообразен сос или сос од домати.
5. ПАСТА ФУСИЛИ
- Од кората од паста се сечат лентички со дебелина од околу 5-6 мм и должина од 5-6 см, така подготвени лентичките се завиткуваат како спирала околу набрашнето стапче за ражничиња, секое едно се вади и се продолжува со наредната лентичка. Оваа паста е многу добра во комбинација со различни видови песто, а исто така и сос од домати.
6. ПАСТА МАКАРОНИ
- Од кората се сечат правоаголници до димензии 5 на 3 см , двата краја кои што се најдуваат по диагинала се спојуваат и по тој начин се добиваат макарони.
7. ПАСТА РАВИОЛИ
- Потребна е лента со широчина од 10ина см и полнеж по желба, може да биди сирење, запржено месо или нешто друго. Кората се премачкува со четче со вода и во средината на кората и на растојание од 3-4 см. едно од друго се распределува по малку од филот, се преклопува филот со едниот дел од листот тесто и се притиска да се добијат перничиња потоа со нож се разделуваат равиолите. Сосот за равиолите зависи од филот, но добро се сврзува со сос од домати или со сос од путер и билки.
8. ПАСТА ТОРТЕЛОНИ
- За тортелоните е потребно лостот тесто да се раздели на квадрати со димензии горе доли 4 на 4 см. и за тортелоните е потребно фил кој како и при равиолите може да биде различен. Филот се поставува во средината на секое квадратче, а две соседни сртани од квадратчето се премачкуваат со вода за да можи полесно да се залепи тестото при преклопувањето. Преклопувањето е многу лесно се земаат двете суви стани и се преклопуваат со влажните така да се добие триаголник со две еднакви по должина страни и една подолга, се земаат двата агли на триаголникот на кои што едниот крај му е подолгата страна на триаголникот и се спојуваат така да се добие нешто како прстен. За сосовите важи истото како кај равиолите.
Пастата се вари во големо количество врела солена вода без да се додава никаква маснотија, пастата се вари до алденте кое зависи од видот паста продолжува од 1 до 3-4 минути максимум.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови