Овој рецепт е обид за емитација на тиквичките кои ги спрема тетка Лиле во нејзиниот ресторан. Да се разбериме, нејзините се далеку поубави и повкусни, па до следниот обид или можеби откривање на тајната како ги спрема, за утеха еве ги овие, како „предгрупа“ за нив.

Ставете го брашното во длабок сад. Направете вдлабнатина и во неа истурете ја млаката вода, шеќерот и квасецот. Оставете да запени.
За тоа време изрендајте ги тиквичките.
Во садот додадете ги и останатите состојки, па на крај вмешајте ги ренданите тиквички.
Покријте и оставете го на топло да се дуплира содржината.
Загрејте подлабока количина на масло или пак употребете фритеза. Земајте со лажичка од смесата и пржете ги тиквените питулици во загреаното масло. Пржени, одложете ги врз хартиена салфетка за да се впие вишокот мрснотија.

Одлични се и топли и ладни.
Можи да ги сервирате со изрендан пармезан или сирење по желба одозгора, да додадете во чинијата тартар сос или некој сос со кисела павлака.

Фотографиите во овој рецепт се авторски фотографии.

Лиценца: Сите права се задржани