Ако сакате вкусен, богат ручек кој изобилува со месо, повелете рецепт.

1. Месото го сечкаме на мали парчиња, едно парче-едно залче. Сланината ја сечкаме на коцки, а печурките на листови.
2. Прво го динстаме свинското месо, прелиено со вода. Откако ќе се свари, додаваме масло и го упржуваме. Го вадиме од тавата. Во истата тава го ставаме пилешкото месо и го упржуваме. Го вадиме од тавата. Ги ставаме печурките и сланината и нив ги пржиме, сланинката да ни поцрвени, а печурките да ни омекнат.
3. Сите испржени состојки ги ставаме во тава. Брашното го мешаме со малку вода, за да нема грутчиња. Го раствораме во млаката вода и заедно со павлаката го преливаме месото. Ги додаваме зачините, промешуваме и ја покриваме тавата со капак.
4. Ја ставаме во загреана рерна на 250 степени. Кога ќе почне да врие месото, за некои 10-15 минути, го тргаме капакот и продолжуваме да го печеме на 200 степени, додека да ни се зацрвени месото и да ни се згусне сосот во кој што го печеме. Кога ќе биде испечено месото рендаме на крупно кашкавал врз него и го оставаме да се стопи.

Пријатен ручек!

Забелешка
Кај мене беше спремана дупла доза од овие состојки. Во прилог на тавата имавме пире и многу салата,домашен леб, како и добро македонско вино.

Фотографиите во овој рецепт се авторски фотографии.

Лиценца: Сите права се задржани