Познатата шведска торта од бадеми, на многумина сигурно позната од рестораните на Икеа. Едноставна е по состав ама пак затоа е супер - вкусна. Пробајте!

Подготовка
Најпрво подгответе го филот бидејќи за него е потребно време за чекање додека се излади.
Жолчките ставете ги во едно мало тенџере, изматете ги со жица за матење. Додадете шеќерот и слатката павлака па повторно изматете додека се спојат состојките. Ставете на шпорет да се загрее смесата на средна температура. Мешајте почесто се додека смесата убаво се загрее, но внимавајте не смее никако да зоврие! Намалете ја температурата на ниска (кај мене на 4/9) и матете постојано со жицата за матење додека смесата се згусне како пудинг. Тргнете на страна, префлете го филот во друг сад и покријте со стреч фолија, оставете потполно да се излади.

Путерот изматете го пенасто па додадете го филот во него. Изматете убаво и ставете го во фрижидер малку да се стегне.

Загрејте ја рерната на 200 степени.
Дното на округол калап со пречник од 26см намастете го и ставете хартија за печење.
Белките изматете ги убаво да запенат па додадете го шеќерот. Матете додека да добиете цврста смеса, ставете ги мелените бадеми, промашајте и ставете ја смесата во калапот за печење. Печете околу 20 минути.
Истото повторете го уште еднаш да добиете два бисквита.
Извадете од калапот, отстранете ја хартијата и оставете бисквитите убаво да се изладат.
Ливчињата бадеми испржете ги во тава додека малку да потемнат, оставете да изладат.

На тацна за торта ставете го едниот бисквит, филувајте си 1/3 од филот. Ставете го другиот бисквит и филувајте одозгора и од страните со останатиот фил. Посипете одозгора со ливчињата бадеми и посипете со малку шеќер во прав.
Јас дополнително ја украсив со шлаг пена.

Напомена
Оставете ја тортата барем 2 часа да отстои во фрижидер пред да ја послужите.

Уживајте во одличниот вкус на тортава. )

Фотографиите во овој рецепт се авторски фотографии.

Лиценца: Сите права се задржани