Баклава Копенхаген

ComplexityСредноPersons15-20 лицаTime1 час – 2 часа
Објавено 12 Јануари, 2013 од LjubicaPK 56 коментари
Баклава Копенхаген

Состојки

  • 1 кг кори
  • Фил 1
  • 150 гр шеќер во прав
  • 250 гр маргарин
  • 2 јајца
  • 1 лажица пециво
  • 150 гр гриз
  • сок од половина лимон
  • 1 ќесичка ванила
  • Фил 2
  • 150 гр шеќер во прав
  • 200 гр мелени ореви
  • 2 јајца
  • кора од еден лимон
  • Шербет
  • 1,5 кг шеќер
  • 1 литар вода
  • 1 ќесичка лимонтус
  • 1-2 ќесички ванила

Подготовка

За оваа баклава на средбата ветив дека ќе го напишам рецептот после Божиќ и ете си стојам на зборот.
Од баклави накратко кажано никогаш доста. Какви се не ги има и пак и пак повторно со задоволство ќе прочитаме по нешто ново.

Најдобро е прво да ги подготвите и двата фила, па потоа само да редите.

Фил 1
1. Се делат белките од жолчките и од нив се мати цврст снег. Го оставаме садот настрана.
2. Во посебен сад најпрво се мати маргаринот со шеќерот во прав, а потоа му се додаваат и жолчките. Матиме убаво и постепено ги додаваме лимоновиот сок, ванилата, пецивото и гризот. На крај го ставаме и снегот од белките и матиме се дури смесата да се воедначи.

Фил 2
1. Се делат белките од жолчките и од нив се мати цврст снег. Го оставаме садот настрана.
2. Во посебен сад почнуваме да ги матиме жолчките и откако ќе станат пенести почнуваме со постепено додавање на шеќерот во прав. На крај ги ставаме кората од лимон, мелените ореви и снегот од белките и матиме се дури смесата да се воедначи.

Редење
1. Корите поделете ги на 3 дела. Не мора прецизно,освен ако сакате така. Јас секогаш ги делам од око,да бидат приближно еднакви делови.
2. Плехот намрсете го со зејтин, на дното и по страните, но не премногу. Почнуваме со редење на тој начин што се ставаат 2-3 кори, па пак намрсуваме со тенок конец зејтин и се така дури да ја потрошите првата третина. На кората врз која се филува не треба да има зејтин.
3. Го нанесуваме првиот фил, па почнуваме со редење на втората третина од корите. Препорачливо е првата кора што ќе ја ставите над филот да ја намрсите. Продолжуваме да редиме на ист начин како и претходно.
4. Кога ќе ја протрошиме и втората третина, го нанесуваме вториот фил, кој е малку полеплив и потежок за размачкување. Над него ја редиме последната третина од корите.
Секогаш по неколку наредени кори убаво притиснете.
5. Исечете ја по Ваша желба и намрсете ја убаво најгорната кора. Не ставајте зејтин пред сечење бидејќи ќе ви оди многу потешко и внимавајте да не стискате пресилно, па филот да почне да излегува.

Велат мајсторијата на баклавата се познавала во сечењето. Е јас малку како калфа сечев и се вцрвив од што беше дебел слојот.

Се пече 1 час во претходно загреана рерна на 175-180 степени Ц.
Кога е готова треба горната кора да е заруменета,а кога ќе го протресете плехот напред-назад да „игра„ во него,односно лесно да се одвојува од краевите.

За шербетот, ставете ги сите состојки заедно и откако ќе зовријат оставете ги да вријат околу 5-10 минути.
Доколку не сакате да ставите лимонтус, може да го замените со сок од еден лимон, но тој не го дава потполниот интензитет на вкусот.
Сепак оставам според Ваша желба.

На крај оладената баклава се прелива со врелиот шербет или обратно, претходно сварениот и оладен шербет се прелива преку баклавата веднаш штом ја извадите од рерна.

Димензиите на плехот можат да варираат, а ништо страшно и ако корите се редат преклопени на две. Ако пак се подолги подвиткајте им ги краевите.
Најубаво е баклавата да одстои барем 2 дена пред сервирање, со оглед на тоа што еден од филовите содржи гриз.

Бујрум!

Дополнителни фотографии

Користени Делимано садови за подготовка на овој рецепт: Ростер, Сад за сос
РостерСад за сос

Клучни зборови: 1 час – 2 часа, Средно, десерт, шербет, баклава, кори, фил, копенхаген,

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови

Може да ве интересира:

  1. Овошна баклава
  2. Ролована баклава со чоколадо, лешник и кокос
  3. Карамел чоколадна баклава со презла
  4. Баклава со кокос, јаболко и суви смокви

За LjubicaPK

Јас и готвењето сме во чуден љубовен однос,чат-пат откачувам и секогаш сакам нешто ново,необично....комбинации на кои најчесто не ни помислуваме....

56 коментари

  1. aleksovska 12 јан 2013 @ 21:18
    Epten ubava baklava a i cveketo odzadi:))
    • LjubicaPK 12 јан 2013 @ 22:44
      Фала Милена,а за цвеќето виновен е маж ми,тој инсистираше таа слика да биде главна.
  2. liljanailieva 12 јан 2013 @ 21:22
    И јас ја објавував оваа баклава на еден сајт пред 2-3 години, покрај тоа што си доби добар број на тагирања... имаше и коментари дека тие биле многу скржави, а баклавата била доооооста богата.....одлична е и ја препорачувам,
    • LjubicaPK 12 јан 2013 @ 22:46
      хаха,а замисли уште и да им напишеше дека се прави исклучиво со домашно сучени кори?! ќе се окозеле!:)))
      Фала ти Лилјана за препораката
      Поздрав до тебе
  3. olivija 13 јан 2013 @ 07:24
    РЕЦЕПТОТ Е ОК НО НАМЕСТО МАРГАРИН СТАВЕТЕ ПУТЕР КЕ БИДЕ УСТЕ ПОБКУСНА И ПОЗДРАВА Е СО ПУТЕР, РЕЦЕПТОТ Е СТАР И ИСПРОБАН
  4. LiliN 13 јан 2013 @ 07:47
    Vo edno vreme ne mozev da prestanam da ja pravam ovaa baklava.... Mibese apsoluten favorit :)
    • LjubicaPK 13 јан 2013 @ 12:04
      Мене се уште ми е.Последниве неколку години ми беше рецептов малку на пауза,ама стандард кај нас дома секогаш ја има за Божиќ и Велигден.
  5. natali 13 јан 2013 @ 08:45
    Ova e odlicna baklava mora da ja probam
  6. NevenaGj 13 јан 2013 @ 11:18
    leleee sto ubajna ti e baklavava :)))
    • LjubicaPK 13 јан 2013 @ 12:10
      Фала Невена,по некое си чудо се уште имам,ама изгледа дека ја чувам за гости,не за друго.Брзо ја снемува
  7. Klara 13 јан 2013 @ 11:47
    Многу убава баклава Буби, многу ми се допаѓа!
    • LjubicaPK 13 јан 2013 @ 12:06
      Да ја направиш сега по казна пошто се некои маани ми изнајдуваше за претходните рецепти :Р
      Ха-ха!!!
      И слика да постираш!
      Шала на страна,навистина е прекрасна
      • Klara 13 јан 2013 @ 12:21
        Остај ти мааните сега, гледај овде... се исполигавив пред монитор :))) А веќе е складирана во омилени и ќе се проба, со се слика се ПОДразбира ;)
  8. Daniela Dzogova 13 јан 2013 @ 15:31
    Baklavi pravam cesto i razni ama vakva ne sum napravila.Ednas pravev vaka so jajca i mak pa me iskaraa deka toa ne bilo baklava i zamisli sega tvojov recept me bendisa mnogu i ke go napravam.Izgleda dosta socno i bogato i neka stoi vo omileni ke mu dojde redot pozz:)
  9. Svetlanali 13 јан 2013 @ 21:49
    Odlicna i omilena,mi stana.
  10. diana 14 јан 2013 @ 00:12
    mnogu ubavo ti se puli sega mi se jadi
  11. МоиРецепти 14 јан 2013 @ 12:22
    Овој рецепт е Рецепт на денот за 13.01.2013 и учествува во изборот за Рецепт на месецот Јануари. Честитки!
  12. KaterinaM 14 јан 2013 @ 12:35
    Cestitki!!!
  13. beti1 14 јан 2013 @ 12:46
    Cestitki!
  14. NevenaGj 14 јан 2013 @ 15:48
    Cestitki!!
  15. LiliN 14 јан 2013 @ 15:52
    Cestitki!
  16. liljanailieva 14 јан 2013 @ 15:55
    Za moment bev pomislila deka se previde baklavata, e sega veke vo red sto stoi tamu kade sto treba... ne samo cestitki - aplauzi zasluzuva ovaa baklava!
    • LjubicaPK 14 јан 2013 @ 19:50
      :) Кај може македонски жени баклава да забораваат?!
      Ви благодарам на сите и за честитките и за аплаузите
      Поздрав
  17. pavloska 14 јан 2013 @ 19:51
    Ти честитам!
  18. nadicaveles 14 јан 2013 @ 20:14
    Cestitki :)
  19. Svetlanali 15 јан 2013 @ 10:32
    Cestitki
  20. tanja981 15 јан 2013 @ 11:36
    cestitki Lubica za RD!!! baklavata e prekrasna <receptot mi stoi zapisan od na majka mi tetratkata no nekako nikogas ne sum resila da ja napravam:))
    • LjubicaPK 18 јан 2013 @ 15:45
      Фала Тање,мислам дека е веќе редно време рецептот да доживее реализација.Верувај ми нема да те разочара
  21. LUDO 17 јан 2013 @ 14:18
    и рецепти и фотка за лижење монитор :) :) :) :)
    • LjubicaPK 18 јан 2013 @ 15:46
      :)))))) Белким не го излижа мониторот навистина?!
      Не знам дали честитав јас на тебе,живо и здраво и големо да расте синчето,па и баклави да јаде!
      • LUDO 18 јан 2013 @ 16:57
        ми сметаше цвеќето, инаку и тоа ќе се случеше :) :) :) :)

        фала, но не е ни важно дали си честитала, не сум од тие што се лутат :*
  22. TetkaBiberche 17 јан 2013 @ 19:32
    Јас имам едно прашање. :) Дали во двата фила може да го намалам шеќерот во прав наместо по 150, да ставам по 100 грама или не е премногу блага и вака?:)
    • LjubicaPK 18 јан 2013 @ 15:51
      Е вака,според мој вкус,баклавата не е премногу блага,таман ми е.Таа количина на шеќер не е премногу на целата смеса.Зависи и ти како ги сакаш баклавите,поблаги,понеблаги...
      Имам јадено баклави што дури и за мене биле преблаги,просто да те „утепа„.Оваа не е таква тешка.
      Би ти препорачала едниот фил да го направиш со 150 гр шеќер и да пробаш да не ти е премногу,па во другиот да ја поднамалиш количината.
      Поздрав до тебе и се надевам дека ти помогнав.
      • TetkaBiberche 18 јан 2013 @ 20:34
        Oва ми е прва баклава во животот и фала ти многу за преубавиот рецепт! :) И морам да кажам, секоја чест за совршено исечените коцки ... дури сега сфаќам зошто викаат дека мајсторијата е во сечењето, се намачив. :))

        Инаку ти верував и не го намалив шеќерот, филот е сосема нормално благ. Штета што јас немам слика да ставам за да се пофалам.
      • LjubicaPK 19 јан 2013 @ 18:43
        Значи прво,па машко:))
        Многу ми е мило што го одбра рецептот,а уште повеќе и што ти се погодил и си задоволна од целокупната изведба.
        Поздрав
  23. LiliN 26 фев 2013 @ 11:33
    Cestitki za nagradata :)
  24. МоиРецепти 26 фев 2013 @ 13:07
    Овој рецепт е Рецепт на месецот за месец Јануари 2013. Честитки
  25. Daniela Dzogova 26 фев 2013 @ 13:17
    Cestitki Ljubica :):):)
  26. LjubicaPK 26 фев 2013 @ 13:36
    Лили и Дани Ви благодарам многу на честитките!
  27. beti1 26 фев 2013 @ 13:54
    Честитки,заслужува.. :)
  28. KaterinaM 26 фев 2013 @ 13:58
    Cestitki!!!
  29. LjubicaPK 26 фев 2013 @ 18:14
    Бети и Кати фала и на Вас!
  30. aleksovska 27 фев 2013 @ 00:26
    Cestitki:))
  31. natka78 1 мар 2013 @ 01:07
    Честитки за наградата!!!!
Треба да бидеш најавен за да оставиш коментар.