Декоративни, но пред се превкусни кифлички. Идејата за нив ја видов кај една моја пријателка на групите за готвење на Фејсбук, па со некои мали измени по мое ги направив и јас, и можам да кажам дека навистина се превкусни.

Подготовка

1. Во длабок сад ги ставаме млекото, шеќерот и квасецот. Мешаме убаво да се раствори квасецот и го оставаме да се активира.
2. Потоа ги додаваме јајцето, маслото, павлаката и на крај солта и брашното, постепено до замесување на меко, глатко, нелепливо тесто. Тестото го покриваме и го оставаме на топло место да стаса, да го дуплира волуменот.
3. Стасаното тесто го делиме на 8 исти делови, кои ги расукуваме со раце во долга лента (околу 50 цм). Ги формираме кифлите на тој начин што околу секое парче виршла (секоја виршла ја сечеме на 4 парчиња) ги преплетуваме двата краја од тестото (видете дополнителни слики).
4. Формираните кифли ги покриваме и ги оставаме на топло место да стасаат. Потоа ги премачкуваме со жолчката и млекото, па посипуваме сусам, и им ставаме на двата краја по едно мало парченце путер или маргарин.
5. Печеме до заруменување во загреана рерна на 200 степени. Испечените кифлички ги премачкуваме со путер (или маргарин) и ги покриваме со чаршафче малку да оладат.

На здравје!

Фотографиите во овој рецепт се авторски фотографии.

Лиценца: Сите права се задржани